المحاضرة الرابعة

cholinergic agonist

ال cholineric agonist نوعين direct & indirect هنتكلم الأول عن ال Direct

Direct acting cholinergic agonist

وهى المواد الفعالة اللى بتتشابه فى عملها مع عمل ال Acetylcholine
هنبدأ الأول بالكلام عن الأستيل كولين
1-Acetylcholine

هو الناقل العصبى الرئيسى فى البارسيمباسيتيك و له 
muscarinic & Nicotinic activity
 وبيفتقر للأهمية العلاجية لان بيتم وقف مفعوله بسرعه عن طريق ال 
Acetylcoline Estrase
اللى بيكسر الاستيل كولين بسرعه
Action 
الاسيتيل كولين له negative chronotropic avtivity
يعنى بيقلل معدل ضربات القلب وكمان بيقلل كمية الدم اللى القلب بيضخها
الاسيتيل كولين كمان بيقلل ضغط الدم لانه بيعمل Vasodilation
بيزود افراز اللعاب و العصارة المعوية و حركة الامعاء _بيضيق حدقة العين و بيزود مرات دخول الحمام.
 ------------------------------------------

2-Bethanechol
بيتميز بان له strong muscarinic activity 
وملوش Nicotinic avtivity
Action & therapeutic applications
بيزود حركة الأمعاء ، بيستخدم فى علاج"  احتباس البول بعد العمليات الجراحية "
 لكن مش بيستخدم فى علاج احتباس البول اللى بيكون بسبب انسداد فى قناة مجرى البول
 Adverse effects
بيزود من افراز العرق و اللعاب ، بيقلل ضغط الدم ، غثيان  ، الم فى البطن 
اسهال و ضيق فى التنفس وبنعكس الآثار الجانبية دى عن طريق سلفات الأتروبين.
-------------------------------------------

3-Carbachol (Carbamylcholine) 
له Nicotinic & Muscarinic action
و نظرا  لانه Nonselective
بيستخدم فقط كعلاج لتضييق حدقة العين.
-------------------------------------------

4-Pilocarpine

له  Muscarinic activity
Action & therapeutic applications
يستخدم فى أمراض العيون خاصة الجلوكوما مش كده بس ده هو الdrug of choice 
فى الحالات الطارئة لارتفاع ضغط العين لانه بيقلل ضغط العين فى خلال دقائق بسيطة وبيتسمر مفعوله من 4 ل 8 ساعات
فى مادة تانية كمان اسمها Echothiophate 
بتستخدم لتقليل ضغط العين وتأثيرها أطول لانها بتشتغل على منع الAcetylcholine estrase
Pilocarpine is secretagogue
يعنى ايه الكلمة دى ؟ يعنى هو مادة بتزود من افرا السوائل فى الجسم زى الدموع و العرق و اللعاب عشان كده البيلوكاربين بيستخدم فى علاج حالة مرضيه اسمها Xerostomia
ودى بتيجى للمرضى اللى بيتعالجوا بالاشعاع اللى بيسببلهم جفاف الفم عشان كده بيستخدموا البيلوكاربين عشان يزود افراز اللعاب
و كمان البيلوكاربين بيستخدم لعكس الآثار الجانبية للأتروبين.